न्यू इंग्लिश स्कूल गोकुळ धावडे विद्यालयातील विद्यार्थ्यांचा पक्षी संवर्धनासाठी स्तुत्य उपक्रम.

मोरणा शिक्षण प्रसारक मंडळ मरळी संचलित न्यू इंग्लिश स्कूल,गोकुळ-धावडे येथील इ. 5वी ते10 वी च्या विद्यार्थ्यांनी पक्षी संवर्धनासाठी एक स्तुत्य उपक्रम राबविला आहे. वाढत्या उन्हाच्या पार्श्वभूमीवर पक्ष्यांना पाणी व अन्नाची कमतरता भासू नये यासाठी विद्यार्थ्यांनी आपल्या घराशेजारी पक्ष्यांसाठी पाण्याची भांडी व धान्याची व्यवस्था केली आहे.या उपक्रमांतर्गत विद्यार्थ्यांनी मातीची भांडी, वाटी किंवा बाटल्यांमध्ये स्वच्छ पाणी भरून ठेवले तसेच ज्वारी, बाजरी, तांदूळ आदी धान्य पक्ष्यांसाठी ठेवले. यामुळे परिसरातील चिमण्या, व इतर पक्ष्यांना दिलासा मिळत आहे. विद्यार्थ्यांमध्ये पर्यावरण संवर्धनाची जाणीव निर्माण होण्यास या उपक्रमामुळे मदत होत आहे.मुख्याध्यापक मा.श्री.कुंभार एन.एस. यांच्या मार्गदर्शनाखाली तसेच इको क्लब प्रमुख श्री.विकास लोहार सर व शिक्षकांच्या प्रेरणेने हा उपक्रम राबविण्यात आला. या उपक्रमाचे पालक व ग्रामस्थांकडूनही कौतुक करण्यात येत आहे.हा उपक्रम विद्यार्थ्यांमध्ये दयाभाव, पर्यावरणप्रेम आणि सामाजिक जबाबदारीची जाणीव निर्माण करणारा ठरत आहे.