स्व.माजी खासदार शंकरराव उर्फ बाळासाहेब देशमुख यांची 112 वी जयंती विद्यालयात उत्साहात साजरी

मोरणा शिक्षण प्रसारक मंडळ मरळी संचलित न्यू इंग्लिश स्कूल गोकुळ – धावडे या विद्यालयामध्ये माजी खासदार शंकरराव उर्फ बाळासाहेब देशमुख यांची 112वी जयंती साजरी करण्यात आली. यावेळी युवा नेते मा.श्री.आदित्यराज देसाई (दादा) यांच्या हस्ते प्रतिमापुजन व दीपप्रज्वलन करण्यात आले. यावेळी विद्यालयाच्या विद्यार्थिनींनी स्वागत गीत सादर केले.कार्यक्रमाचे प्रास्ताविक विद्यालयाचे मुख्याध्यापक मा.श्री. कुंभार एन.एस.सर यांनी केले.याप्रसंगी एस.एस.सी. मार्च 2025 परीक्षेत प्रथम तीन क्रमांक आलेल्या विद्यार्थ्यांना प्रशस्तिपत्रक व रोख रक्कम युवा नेते मा. श्री. आदित्यराज देसाई (दादा) यांच्या हस्ते देण्यात आले. या कार्यक्रम प्रसंगी युवा नेते मा.श्री. आदित्यराज देसाई (दादा) यांनी आपल्या भाषणामध्ये स्वर्गीय शंकराव उर्फ बाळासाहेब देशमुख यांच्या जीवन कार्याविषयी माहिती दिली. तसेच या प्रसंगी विद्यालयातील स्थापित केलेल्या गणपतीचे दर्शन घेतले.या कार्यक्रमासाठी मोरणा शिक्षण प्रसारक मंडळ मरळी चे उपाध्यक्ष मा.श्री. विलास कुराडे, आंबवणे गावचे माजी सरपंच मा.श्री. अमोल जगताप,निवकणे गावचे सामाजिक कार्यकर्ते मा. श्री.अनिल काका पाटणकर, केरळ गावचे सामाजिक कार्यकर्ते मा.श्री. प्रमोद सुतार, विद्यालयातील सर्व शिक्षक व शिक्षकेत्तर कर्मचारी पालक ,सर्व विद्यार्थी यांच्या उपस्थितीत कार्यक्रम संपन्न झाला. कार्यक्रमाचे सुत्रसंचालन श्री. व्ही. ए. घोणे सर व आभार श्री. विकास लोहार सर यांनी व्यक्त केले.