76 वा भारतीय प्रजासत्ताक दिन विद्यालयात उत्साहात साजरा.

पाटण- मोरणा शिक्षण प्रसारक मंडळ मरळी संचलित न्यू इंग्लिश स्कूल गोकुळ धावडे या विद्यालयात आज 76वा भारतीय प्रजासत्ताक दिन उत्साहात व विविध उपक्रमांनी साजरा करण्यात आला.यावेळी विद्यालयाचे ध्वजारोहण धावडे गावचे सरपंच मा.श्री. दत्तात्रय अवघडे यांचे शुभहस्ते करण्यात आले.यावेळी सरस्वतीचे पुजन ह.भ.प मा. श्री. उत्तम माने आंब्रग यांच्या हस्ते करण्यात आले. तसेच विद्यालयातील विद्यार्थ्यांनी बनवलेल्या विज्ञान प्रदर्शन, चित्रकला,रांगोळी ग्रंथ प्रदर्शन व हस्तकलेच्या प्रदर्शनाचे उद्घाटन प्रतिष्ठित मान्यवर ग्रामस्थांच्या हस्ते करण्यात आले.. या प्रजासत्ताक दिनानिमित्त इ. 5.वी व इ. 6वीतील मुलामुलींच्या स्काऊट गाईड पथकाने मानवंदना दिली.इ.9वी मुलींनी लेझीम पथक उत्कृष्ट प्रकारे सादर केले.इ. 7वी तील मुले व मुली यांचे देशभक्तीपर गीतावर नृत्य सादर केले. विद्यार्थ्यांनी सादर केलेल्या कलागुणांचे उपस्थित मान्यवरांनी कौतुक केले. या कार्यक्रमांसाठी विद्यालयाचे मुख्याध्यापक मा.श्री. कुंभार एन.एस. सर , सर्व शिक्षक ,शिक्षकेत्तर कर्मचारी व विदयार्थी तसेच धावडे,गोकुळ,कोरडेवाडी,आंबेघर गुरेघर , शिद्रुकवाडी, दिक्षी,आंब्रग,बाहे,पाचगणी,काहीर गावचे सरपंच,उपसरपंच,सर्व सदस्य, ,सर्व सेवक,आजी-माजी विद्यार्थी उपस्थित होते.या कार्यक्रमांचे प्रास्ताविक श्री. घोणे सर यांनी केले,तर आभार श्री. लोहार सर यांनी मानले.