स्व.माजी खासदार शंकरराव उर्फ बाळासाहेब देशमुख यांची जयंती विद्यालयात उत्साहात साजरी.

मोरणा शिक्षण प्रसारक मंडळ मरळी संचलित न्यू इंग्लिश स्कूल गोकुळ – धावडे या विद्यालयामध्ये माजी खासदार शंकरराव उर्फ बाळासाहेब देशमुख यांची 110वी जयंती उत्साहात साजरी करण्यात आली. यावेळी मोरणा शिक्षण प्रसारक मंडळ मरळी संस्थेचे अध्यक्ष मा.श्री.रविराज देसाई (दादा) यांच्या हस्ते प्रतिमापुजन व दीपप्रज्वलन करण्यात आले.मा.अध्यक्ष महोदयांचे स्वागत विद्यालयाचे मुख्याध्यापक मा.श्री.कुंभार एन. एस.यांनी केले.कार्यक्रमाचे प्रास्ताविक मा.श्री. एस. डी. शेजवळ सर यांनी केले.याप्रसंगी एस.एस.सी. मार्च 2024 परीक्षेत प्रथम तीन क्रमांक आलेल्या विद्यार्थ्यांना प्रशस्तिपत्रक रोख रक्कम व गुलाबपुष्प संस्थेचे अध्यक्ष मा. श्री. रविराज देसाई (दादा) यांच्या हस्ते देण्यात आले. यावेळी शिक्षक व शिक्षकेत्तर कर्मचारी पालक ,सर्व विद्यार्थी यांच्या उपस्थितीत कार्यक्रम संपन्न झाला. कार्यक्रमाचे सुत्रसंचालन व आभार श्री. व्ही. ए. घोणे सर यांनी व्यक्त केले.