मोरणा शिक्षण प्रसारक मंडळ मरळी संचलित न्यू इंग्लिश स्कूल गोकुळ धावडे ता. पाटण या माध्यमिक विद्यालयास मा.ना. श्री. शंभुराज देसाई साहेब, मंत्री राज्य उत्पादन शुल्क महाराष्ट्र राज्य तथा पालकमंत्री सातारा व ठाणे जिल्हा यांचे विशेष प्रयत्नातून विद्यालयास सन 2017-2018 मध्ये कोयना भूकंप निधीतून 15,00,000/- पंधरा लाख रुपये निधी विद्यालयास सभागृह व दोन वर्ग खोल्या बांधण्यासाठी मिळाला. सन 2019-2020 मध्ये जिल्हा क्रीडा विभाग सातारा यांचेकडून विद्यालयाचे क्रीडांगण समपातळीकरणासाठी 7,00,000/- सात लाख रुपये एवढा निधी मिळाला. त्याचप्रमाणे सन 2020-2021 मध्ये जिल्हा क्रीडा विभाग सातारा यांचेकडून व्यायामशाळा बांधकामासाठी 7,00,000/- सात लाख रुपये एवढा निधी मिळाला. तसेच सन 2023-2024 मध्ये कोयना भूकंप निधीमधून विद्यालयाचे जुनी इमारत दुरुस्तीसाठी 35,00,000/- पस्तीस लाख रुपये एवढा निधी मिळाला. त्याचप्रमाणे सन 2023-2024 मध्ये C.S.R. फंडातून जलशुद्धीकरण प्रकल्प, हँडवॉश स्टेशन, मोरणा नदीपासून शाळेपर्यंत पाईपलाईन व पाण्याची टाकी आणि स्वच्छतागृह या सुविधांसाठी 33,27,383/- एवढा निधी मिळाला. आज अखेर विद्यालयास एकूण 97,27,383/- रुपये एवढा भरघोस निधी मिळाला आहे.या सर्व सुविधांचा लाभ ग्रामीण भागातील विद्यार्थ्यांना होत आहे अशी माहिती संस्थेचे अध्यक्ष मा. श्री. रविराज देसाई दादा यांनी दिली.
